أكبس روحك,أكبس سروالك,أكبس القٌرينتا الي فيك,هو كبس و أنتي؟ وقيت باش تكبس,شباب أكبس,حملة أكبس,نساند تحركات أكبس,غزوة أكبس ,بأسم الله الرحمان الرحيم أكبس ,أضغط جام و اكبس , بادج زادة بأسم أكبس هذا أش لقيت اليوم ,مستانس بالفزّاعة السلفية أو تفاهة الحقائق الخفية فبحيث هي مجّرد طريقة عفوية من طّحانة الحركة النهضاوية تقصد في الحكومة الشرعية باش تحقق المطالب الثورية في عهد الايالة الترويكية, و أنت يا مواطن كان فاتك الحديث قول سمعت وكان فاتك الطعام قول شبعت على خاطرها مجرد تتليفة للرأي العام بغاية هناّ معاكم لا تنسونا و رانا نحبوا البلاد كيف أنتوما . باهي يا سيدي ناخذوا بالخاطر , المطلب الاول اقصاء التجمعين؟ توا هكا , حكومة تقصي نفسها المطلب الثاني حّق الشهداء و القناصة؟ تي موش قلتوا اشاعة , المطلب الثالث أكبس التشغيل؟ على ما نعلم وزير التشغيل مهمتو موش التشغيل المطلب الرابع ألخ ألخ ألخ طحين , و من الواضح انوّ الحكومة طاحلها الكبسان يعني هي الان في أوج عطاءها للرخفان , رخفان في الدستور,رخفان في الماء و الضوء ,رخفان في المسوات ياخي فهل هذا من العدل الالاهي في الدين ؟ يا مواطنين هل أنتم على يقين ؟ اذا كفى ليوميات الطحين ولننهض بالادمين باش يكبس على المسؤلين في الصفحات المأجورين بهدف الرخفان في البندير #ارخف البندير
