حيّرة

حيّرة , و ضايع و مانيش عارف

حيّرة نعيشها كل نهار و ليلة , حيّرة في قعدة في قهوة و لا في ركشة في تركينة , حيّرة عيشتي و عيشة النّاس ماهومش في فرد شيرة 
 حيّرة كلامهم عليك كي وجيعى الفلقة , تسمع نميمتهم في كل زنقة
 حيّرة علاش انا مانصليش , على أنا مانسجدش 
 حيّرة كي يقٌحرلك و يقولك "مانيش نوشف فيك في الجامع وقت الاذّان و النّاس تترامى" حيّرة راني فديت و بالروتين تلهيت , حيّرة ومتلقى شكون يواسيك 

حيّرة مواعضهم تشنّجني , و أرائهم تكرزّني , تنرفزني كي الماكلة الي تغصصني 
 حيّرة راني فديت , حيرة من القهر قعدت في بلاصتي و مامشيت , حيّرة كي ينصبوا العسّة عليك , و بالكلام يستفزوا فيك , بالتحريم و التكفير يضيقوا عليك 
حيّرة على النّاس الي عرفتني , و من الصغرة عاشرتني ,و بعد الدمغجة نكرتني , على فكرة نبذتني 
حيّرة من اليمين لليسار , و مانشوف منهم حدّ فوق الاعتبار , حيّرة من بهامتهم تعرف الخنّار 
حيّرة و مانيش مسّلم , حيّرة و مازلت نتعلم , بعد الي يتعرف على أخت متقّية ,بعد ربع ساعة تلقاه يهدي فيّا
حيّرة كرّهتوني في الدنيا و مافيها , حيّرة  و مخاخكم لعب خزّها فوق ماءها
حيّرة في كلّ صباح و في كلّ عشية , حيّرة لاصقتني في كلّ ثنية
حيّرة تخنقني , تحسّرني , تلهيني , تشتتني , تزيدني نقمة فوق نقمة