تي ملّهط' حسب التفكير المحلّي لاعراف الهوية التونسية و ما جاورها'

ملاحظة : يمكن التدوينّة هاذي موش وقتها , اصلا مانعرفش علاش نكتب فيها , و يمكن كان تعبّر على اعتراضك في تعليق نفسّخوا و علاش لا نسبّك , أمّا بعد

بنّات الحجري و الماء يجري , بنّات شيلاه بينا و الي يحبنّا يجينا , و سعدي في الثنية و نشاء الله ديما فرحانين بينّا , نسألكم , لاباس؟ شكونكوم ؟ أشكون وراكم ؟ و أشنية الغاية ملّي ربّاكم ...المرأة عنصر فعّال في المجتمع , رأس مالو "غشاء" كلمة شرف تختزل في (غ.ش.ي) , أصلا العفّة عفتها , من القذارة الفكرية الي شوفتها

 فيق يا شريفة بنت الفاضل 

 أنسى الماضي و اتفكر المستقبل و الحاضر 

 هبّط سوالف , عيّش للدنيا و زينها 

 بأحمر الدّم الي غطى سورية العرس 

و على خاطرها حياتك عدم

أولاد سيدي الشيخ , و على الزبور 

كلامو يوّلي كي النبّيح 

نّبيح المكلوب على غلطة لا تتغفر 

و كي يمارسها في عنين النّاس يوّلي فحل

الحكاية تبدئ في ركشة بين الاصحاب ,الي باعين الفكر و على أنثى يوّليو أحباب 

تي عرفتها بنت فلانة ؟ بيضاء و في فخذها مليانة , تي ركّح الخرا , نّيك الحالة و ابعث الكوازي, نحبّ صاحبي راجل , و لا يقولو في بدنو زوالي؟

تي أي أي سافا , ركحت ولا ما ركحتش ملهّط , هذا اش قالوا

غلطت ولا ما غلطتش , مشات حديث بين الافامّ 

ولد فلانة عمّل لبنت فلتان , و قالوا عليها ممسوسة , بالع*ب مهوسة , 

مستقبلها ضايع , سببها ولد حرام صايع 

شوفولها ولد خالة , ينقذها و يستّرها من هالحالة