الزّريقة

الزّريقة ، ترّتحك من تعب اللّيقة

لّيقة البّدن و حلان الفمّ

لّيقة تذبيل العنين و رخفان السقين 

لّيقة الويل ، و الي في لحمو يحّك و ما نام الليل 

في الزّريقة  نشوة ، 

أمّا تّشيخ و ما طّول العشرة 

عشرة مشوار قصير 

ينّحر فيك ، و تستنى وقت التغير 

وقت الي ترجع الانسان الاصيل 

تستنى و مفروض عليك تقّوي دوزة

الدنيا ظلمة و الاعصاب مكبوسة 

زّريقة 

زّريقة في قالب غلطة بدّات 

دار صاحبك و لا وراء السور مشات

مشات في الدّم الي غفل عليه العقل 

و على الشيخة مانجمش يتفطم 

زّريقة 

زّريقة بوصوفير ، من بدّن لبدّن 

و أغرس خلّي الشيخة تفوت القمم 

ماشين و في ايديهم دبوزا ماء 

فرحة في العنين و عارفين الي الصوبيا داء 

زّريقة 

الزّريقة خراب 

خراب للدّيار و فلوس كي التراب 

اجبد مدّ ، الجبال تتهدّ

و خلينّي نعمّر الطاسة 

في حيّ التضامن نبّدل البلاصة 

تتليفة لازمة ، و خليك صنّدي كي فسفاط القّفاصة