في صراع الانا بين الاديولوجية الاصل و الادلجة الحديثة

في ليلة سخونة 

شهيلي و عرق و الحالة مصدومة 

تبني من اليأس قنطرة 

و تتعدى من بنزرت لجرزونة 

تحديد المصير ضعف 

و في الهمّ عندك ما تختار 

 انتحار 

 ينسيك في التاريخ و يضّيعك بين المستقبل و الحال

 تركب لروحك اغلال

 و بين الاديولوجية و درس الاقتصاد حاصل انفجار

 حتمية تاريخية او بالاحرى الصراع 

 يا رفيق لا تهتم , الصراع الطبقي مرض , و بين العولمة و انفتاح الاسواق ماعادش ينفع  

قتلي و بكلك خضوع , و تنهدت و قلت نغلق الاقواس و نبّدل الموضوع

سوق الشغل صعيب 

و المنافسة حاصلة , قوّة دافعة 

تنسيك في الانسانيات و تدخلك في جوّ العيشة الباسلة 

Frederick Winslow Taylor :  La Rationalité administrative

شكرا باعث العقلنة 

حديثهم ياسر عقلاني , يقصي البعد الانساني 

بالاضافة لايجابيات المالية الاسلامية 

تفكيرهم خالي من الجدلية 

بيكم كفّرت , بعلمكم تقهرت 

تفكرت 

احاطة الزملاء الضعفاء 

و تخيلت 

تخيلت جورج حبش يقصد

"الطلبة الغير ثوريون لا يموتون أبدا" 

نقولها و جامعة بنزرت نموذجا
نقولها فهم على الواقع غائبون
نائمون , لا يستحون
الى يوم يبعثون 
هل آتاكم حديث الايقونة
وقريت "Le capital" حليت
و استخلصت ثّم استنتجت
استنتجت أنّ  
تلك النخبة الاقتصادية الميبونة
على الساحة السياسية مغبونة
تقدم مبادئها قرابين للالهة 
بغاية الاستقرار الزمان و الكينونة
وقيّت باش مخّي يستقر 
وقيّت باش نرجع من القبر للبّر
و قيّت 

في صراع الانا بين الاديولوجية الاصل و الادلجة الحديثة