حرقة

ننسى جوّي و أيّامي , ننسى أصحابي و أحبابي

ننسى النّاس الي كيف حليت عنيا لقيتهم , ننسى الوجوه الي نعرفها بكبيرهم بصغيرهم

ننسى الفرحة و شكون يسأل عليا , ننسى جو العايلة في الليالي 

الشتّوية

قالولي امشي و عليك أمان الله , مشيت و المصايب دارت بيّا 

قالولي كاتبلك من عند ربّي قضاء و قدر , طلعت مؤامرة كيف متاع أمريكا و قطر 

هزّيت فليجتي و مشيت , لقيت الجّو أخيب مّلي ظنيت

علاش يا ربّي هكا تعمل فيا , ولا هاذي أفعالي طاحت فيّا

في محطة تونس وعدتّ , و على القنطرة طلعت و حسيت بالنار شعلت فيّا 

عديت النهار نهارين و العام عامين ,أكثر من شبابي خاسرو و الله أعلم شنوة يستنى فيّا

ننسى ولد المنجي بن جيلاني و نوّلي هكا المسكين لا عندو لا والي و لا تالي

بعثوني من غير سبب , على ورقة في عنين الناس باش نتحّب

أه يا شبابي أه , سامحني في أكالنهار  أي ما خممت فيك , و عطيت النّية في ناس غرّت بيا