علاش باش تحتفلوا ؟

الكرطوشة مازلت في الظهر , دواها برخص كأس الزهر , خليتوهم ساق في البّر و ساق في القبر , غيرو عذّبوه يتطير الظفر , رجع شّد كرسي ولا يهموا في الطقس شمس و لا مطر , كي عادتي ماشي بين شارع القهاوي , شارع مليئ  بالاحداث التاريخ ,  عرضتني فيه خيمة دعوية , صدمتني بغبار الثنية , يحتفلوا بتركة منسية , الزوالي هموا هّم يحبّ ياكل الخبر و ما يهتم يعني لا تبدل لا البارح و لا اليوم زعمة قلنا حتى حال منيك ما يدوم , يجي النهار للمظلوم باش يفرح و ينسى العبد المهموم , الحوض المنجمي حكايتو حكاية , يستغلوا الفسفاط و يبدلوا الرواية , رواية نسمة برسيبوليس و العبدلية , حتى لحرق سيدي بوسعيد و غيرو و السيدة المنّوبية , نشوف فيكم نهار يا دعاة الرجعية ؟ على شفّة ذلوني , و في بوفردة حّشوني , بشهرين حاكموني و قالو هذا القضاء و الاستقلالية , في سليانة رّشوني و في عينيا عموني , في مستقبلي حطموني و قالوا أطراف يسارية 

ما صدقتش كيف سمعت , احتفال بشنوة يا راجل ؟ كعبتين و كعبة يحشو فيه  و بطحينهم لآل الحكم خروا فيه , شوية شوفت الصدمة بعينية , غناية أمال المثلوثي في كل تركينة , نفخان و تربريب  منين تدور طحينهم يجيك ,

صابر , نبيل العرعاري ,سامي الفهري ,زواولة , السلفين متاع أحداث السفارة ,محمد على ذويب , نبيل التليلي و غيرهم  في حين أيام الجمر قالو شغل حرية كرامة وطنية , طلعة ثورة موش عاقدة في الشعب النّية