مالاخر معينيش باش نكتب شيء يحزن و كيما قالوا ناس بكري ذيل الكلب كيف يربطوه في قصبة 100 سنة يطلع معوج و عمرو ما يستوى
حالة عادية مادام أغلبيتهم مستوى سنة سابعة أساسي و بعد يدخل لمعهد حر فلوسو تمشي و شهايدو تزيد باش ميقدرش قيمة الفن لاهين كان هاو شدوا كمية كبيرة متاع زطلة هاو قبضو على بياعت شراب محسوب كيف شديتهم الناس بطلت الزطلة... ولا البركاجات اليومية في الاماكن العمومية ماتشملش نطاق عملهم ولا شنية؟ هذا محكيتش على التظاهرات المرخص لها كيف مسيرة الاتحاد العام التونسي للشغل الي قمعتها و ظربت بالكريموجان و المتراك و الشرطة الفنية تخدم في الكابتور ...ولا أحداث منوبة بالله الطلبة دافعة حق الكراء متاع الديار و ميقراوش و الحكومة ولا على بالها العلم طيحولوا قدرو السيد يقول مجاتناش تعليمات الراجل يهبط في الفيديوات على اليوتيب و الناش عرفت المعطيات الكاملة عليه و الداخيلية مزالت ماجتهاش تعليمات أما كيف ثلة من الشباب يمارسوا هوايات فنية تقمعهم و تضربهم بالغاز وتكسر الكاميرا متاعهم ...يالداخيلية نشالله أذاك حد الباس أنتم الي جبتوه للرواحكم على خاطر جمعية فنّي رغما عنّي تحتمي تحت شعار الشارع موطننا و الكلمة كلمتنا و زيد تكتلوا معاهم جماعة عيش الفن, قٌحافة شارع الحبيب بورقٌيبة, طلبة المعهد العالي للفنون الجميلة بتونس و أفراد أخرين ساندو التحركات هاذي و اجابتهم كانت"نقسم بكل الالوان و بكل الاوتار و الحريات أننا سنقيم الدنيا ولا نقعدها ولو حاول أي طرف كان المساس بحرية ابداعنا ...احذروا غظبنا لاننا على أتم الاستعداد لحرق انفسنا جميعا من أجل انارة الطريق للمواهب الفنية المقاومة " و سمعني سلام الفنّ الفنّ ...عمري في الفنّ
