حداد على بخات العبّاد , بخت من زار و خفف, حداد على فيبالوا
باش يعيش كيف أندادو , حداد علي فيض الكأس و حبّ يعيش كيف النّاس, حداد علي التونسية الي منعت و خلت خوهّا حليب أمّو بين سنيه و الحوت ياكل فيه , حداد علي عقد النية و عمرو وفى في الثنية , حداد على الميمّة الي تعّدد على خاطر وليدها من الدنيا تغرب , ملنومش عليه مات بحّسرة مات مفجوع مات وقال نّاري علي ما يعرف كاري ,ماتوا في ليلة ذبّة , خيالاتهم بين الامواج لا تتخبى,وأنت يا شسمك متاع الوزارة , ارتاح هاو شربوا ماء البحر و آخرتهم تعدات مرارة ,غيرهم عرس و عطى البشارة , على خاطر باع روحوا لا يهموا لا في ربح ولا في خسارة ,يا نهضاوي هات الفياغرا و المرا و ماتخليش أمارة , أمارة طحين صافي , ما شوفتوا كان عند سمير الوافي , متصدرين حزم حزم و غيرهم ملقاش كفن , يستر بيه ما بقى من البدن , بدن كلاه الحوت و ما خلاه .أه على بلاد مرقد الصيودة ولات مرتع للضبوعة , في زمان الزرازيم ولات لفوعة , بوشلاكة و زيتون خشمهم في السما يضرب للقٌافون من فلوسي وفلوس الي ضاع في الثنية , حسينا بيه كان كي وفتوالمنيّة
