أيا أيا من غادي , هزّ هزّ تحرك , أمشيلنا يا طفل , أه ولد نفيسة هبط؟ تي عيطلوا عيط ...بعد ما سمعت هذا خرجت نجري ,و جاني عمّ عدنان ...عسلامة لولاد تسكنوا هوني ؟ أييه , أيا مالا تخرجوا تعاونونا مدام تلوحوا في الزبلة قدام البطيمة ؟ و خرجنا و يا محضركم على جو ...أيا يا وليدي ماشيلي و هاتلي مصلحة , تي وينها البالة ؟ لا نهضة لا سلفية لا سبسي وينكم أشبيكم وين حيكم هانا وحدنا , تكبيييير الي يحب يشرب يشرب و الي يحب يصلي يصلي أمّا الي يحب بلادو ما عليه كان يهبط ...الهّم قداش كرهتهم فتنونا و فرقونا و في الهّم زادونا في كل دار من كل حومة تشهد على عتبتهم المشومة , دخلوا في هالشعب دخلت البومة و في العزّاء من الساقين للكرومة و في ليلة الي سي الوزير حرمنا من الطماطم و المقرونة
قتلكم عتبة مشومة ؟
سيبوا هالشباب المايع ولا أش تسموه , كيف ما نظّف وسخوا ينظّف بلادو من القهر لا عاش كيف أندادو مكسبوا اربعة حيوط لامتوا يبكي على حال الميمّة الي رباتوا و لهالعمر وصلتوا بعد ما تعبت باش جابتوا , حلم بمستقبل و خسارة عينو ما شقتوا أمّا شافت ضحكة , ضحكت التبسيمة الي ديما في الفمّ من الزوالي للكرزّة لليصلي و الي يشرب و الي يشّم جونطة وبتحليل تتكيف و ما يهمّ ...أخطونا و سيبونا راكم كي أولاد الحجلة فرقتونا أما في الهم لميتونا و في العيشة الكلبة نسيتونا يأحزاب بلادي المغبونة , مستقلين و تشدونا , من أوّل دورة تعرضولنا في أصواتنا نهبتونا و في الوسّخ خليتونا هاكم شفتوا نظّفناه و مازلنا نظّفوا في خاطر هالبلاد الي ما شفت الفرحة نبنوها كيف ما بنينا دنيتنا دنيا فنّ و عيشة بنينّة و من دنيتكم فكنّا و يزينا
بقية الصور موجودين على الرابط هذا
