أنا البطال الزوالي الجعان
أنا الشٌاب العريان القٌِِريان
أنا المواطن الى لا نكساب لا نعلاب
أنا الي جدودي كانوا فلاقٌة
أنا الي ترزيت في صغري و شبابي
أنا الي حبّي لتونس صبّرني
أنا الي تكلمت وقت الي الكلام كان فال
أنا الي من زرع ولم يحصد
أنا الي ساندت و دعمت و شاركت
في أحداث الحوض المنجيمي
أنا عرصة من عرص الثورة
أنا الي عرضت صدري للكرتوش
أنا الي القناصة مسحوا اسمي من الدنيا
أنا الي شميت القٌاز و وليت على كرسي
أنا الي بكيت و حرقٌت كبدة الميمة
أنا الي كنت سبب في رجوعكم من المنفى
أنا الي عديت شتاء و ربيع في القصبة
أنا الي ضحكتوا عليا و وعدتوني باش تاخذولي حقي
أنا الي وصلتكم للكراسي ونسيتوني
أنا الي فكرتكم وحقٌرتوني
أنا الي فديت و كفّرتوني
أنا الشهيد الي خليت وصية
أنا الي دمعتي سالت على خدية
ولا واحد تفكرني
وتوا!!!وقيت باش نتكلم على روحي
